Marita og Vilhelm eru ársins stjørnuskot

Marita Mortensen og Vilhelm Poulsen úr H71 eru kosin ársins stjørnuskot

Næsti heiðurin á ársins hondbóltsgalla er júst latin, og tað vóru tveir H71-leikarar, ið fingu heiðurin sum ársins stjørnuskot.

 

Marita Mortensen fekk flestar atkvøður hjá kvinnum við 45 atkvøðum. Henni á baki komu Ingunn Kristina Persson úr Neistanum við 22 stigum og Karina Berg Høgnesen við 12 atkvøðum.

 

Hjá monnum fall heiðurin á høgra bakkin hjá H71, Vilhelm Poulsen. Tað var ein tepur atkvøðugreiðsla. Vilhelm Poulsen fekk 27 stig, meðan Tróndur Mikkelsen úr Neistanum fekk 26 stig. Dánjal Ragnarsson úr Neistanum fekk 19 stig.