Síðsta løtan kostaði nógv

Dinamo Tbilsi skoraði fýra mál í níggju minuttir, og so tapti EB/Streymur 6-1 í øllum hitanum í Georgia.

Tá ið 1. hálvleikur var av, sá tað ikki so galið út, hóast EB/Streymur var aftanfyri 2-1. Málið á útivølli kundi fara at vísa seg at vera sera týdningarmikið í samantalda úrslitinum.

 

 

Eftir 90 minuttir vísti máltalvan 6-1. Tennisúrslitið ber ivaleyst við sær, at EB/Streymur hevur lítlan ella rættari sagt ongan møguleika at halda fram í kappingini.

 

 

Inntil tað restaðu tjúgu minuttir, var støðan 2-1, men so skrædnaði. Dinamo Tbilsi varðveitti høgu leikferðina, og í nógva hitanum – tað vóru fleiri enn 30 hitastig – gekk orkan undan hjá EB/Streymi. Dinamo Tbilsi skoraði fýra mál í níggju minuttir, og harvið var úrslitið 6-1.

 

 

EB/Streymur og Dinamo Tbilsi fara at spæla á Tórsvølli týskvøldið í næstu viku, og tá verður møguleiki at pynta um samantalda úrslitið hjá EB/Streymi.

 

Dinmo Tbilsi - EB/Streymur 6-1 (2-1)

Týsdagin 15. juli 2013 kl. 19.00 á Boris Paichadze National Stadium í Tbilisi í Georgia

Europeiska meistarakappingin 2. innleiðandi umfar 1. dystur

Dómarakvartett úr Malta:Alan Mario Sant, Alan Camilleri, Roberto Vella og Farrugia Cann Trustin

1-0: Ustaritz 40.

1-1: sjálvmál 42.

2-1: Dvali 43.

3-1: Grigalashvili 72.

4-1: Xisco 75.

5-1: Vouho 77.

6-1: Vouho 77.

Dinamo Tbilsi: Loria - Seturidze, Kvaratskhelia, Ustaritz, Glisic - Merebashvili, Dzaria (Grigalashvili, 24.), Khmaladze, Kvirkvelia - Dvali (Vouho, 71.), Xisco (Khocholava, 88.) 

Á beinkinum uttan at verða skiftir inn: Zarkua, Khurtsilava, Papava, Gvelesiani

Venjari: Dusan Uhrin

Gult kort: Khmaladze, Merebashvili 

EB/Streymur: René Tórgarð – Gert Hansen, Marni Djurhuus, Dánjal Davidsen, Rógvi Egilstoft Nielsen (Jóhannes Hansen, 90.+2.) – Pæltur Dam Jacobsen, Arnar Dam - Leif Niclasen, Levi Hanssen, Niels Pauli Danielsen (Brian Olsen, 76.) – Arnbjørn Hansen

Á beinkinum uttan at verða skiftir inn: Símun Jóhan Wolles, Árni G. Olsen, Gunnar Zachariasen, Hanus Olsen

Gult kort: Arnar Dam, Marni Djurhuus

Venjari: Rúni Nolsøe

Hjálparvenjari: Meinhardt Dalbúð

 

LIÐUGT

6-1

 

90.+2.) 6-1

Jóhannes Hansen er komin inn, og Rógvi E Nielsen er farin av vøllinum.

 

88) 6-1

Dinamo hevur framt triðju útskiftingina: út er farinXisco, og inn er komin Khocholava

 

81) 6-1: Vouho 81.

Hetta verða langir tíggju minuttir!

 

 

77) 5-1: Vouho 77.

Dinamo Tbilsi tykist ætla sær at avgera alt, áðrenn teir um eina viku koma til Føroyar.

Marni Djurhuus hevur sæð gula kortið.

Brian Olsen er komin á vøllin í staðin fyri Niels Paula Danielsen (76.)

 

75) 4-1: Xisco 75.

Nú skrædnaði, og møðin tykist rættulig at gera um seg.

 

3-1: Grigalashvili 72.

So hevur heimaliðið økt um leiðsluna til 3-1, og trýstið økist støðugt!

 

71) 2-1

Vouho er komin á vøllin í staðin fyri Dval

 

70) 2-1

Merebashvili hevur sæð gula kortið eftir frípark ímói Rógva E. Nielsen.

 

67) 2-1

Arnbjørn Hansen hevur havt fyrstu atsóknina, men bólturin fór framvið málinum.

 

60) 2-1

Gongdin er tann sama. Trýstið er stórt ímóti málinum hjá René Tórgarð, men enn er einki mál komið í 2. hálvleiki. 

 

55) 2-1

Støðan er tann sama. og týstið hevur ikki verið størri, enn tað var í 1. hálvleiki. EB/Streymur hevur fyrstu løtuna eftir steðgin havt eitt horna.

 

47) 2-1

Teir eru farnir á vøllin aftur í Tbilsi, og tað eru teir somu ellivu EB/Streyma spælarnir, sum eru komnir á vølin.

 

----

Teir eru farnir at hvíla seg í Tbilsi. EB/Streymur stríðist ímóti favorittunum í Dinamo Tbilsi og ikki minni ímóti nógva hitanum. Tá ið maltesiski dómarin bríkslaði fyri fyrstu ferð, vóru tað 33 hitastig.

 

Gongdin hevur verið, sum tað kundi roknast við. Men EB/Streyma spælararnir hava víst, at teir eiga nógvar altjóða royndir. Stutt undan steðginum varð leiðslan, sum heimaliðið tiltuskaði sær eftir hálvan tíma. Heimaliðið gjørdi sjálvmál. Beinanvegin aftaná skoraði Dinamo til 2-1.

 

Spurningurin er nú, hvussu EB/Streyma spælararnir fara at megna 2. hálvleik í nógva hitanum.

45.+3.) 2-1

HÁLVLEIKUR

43) 2-1: Dvali 43.

Tað gongur øgiliga skjótt. Minuttin eftir at EB/Streymur hevði javnað, svaraði Tbilsi aftur.

42) 1-1: sjálvmál 42.

EB/treymur hevur skorað sera týdningarmikla málíð á útivølli. Ella rættari: tað er heimaliðið,sum hevur skorað sjálvmál!

41) 1-0: Ustaritz 40.

So gekk tað ikki meir. Eftir hornasparksinnlegg hevur Dinamo Tbilsi lagt seg á odda.

 

40) 0-0

Pætur Dam Jacobsen hevur sæð gula kortið.

 

35) 0-0

Nú var aftur stutt millum atsóknirnar. Í einum føri varð blokerað, og í tí næsta fór bólturin við síðuna av málinum hjá René Tórgarð.

 

33) 0-0

Maltesiski dómarin bríkslar ofta. Tað er stutt millum frísparkini - báðar vegir.

 

31) 0-0

Heimamenninir ótolnast. Hesa síðstu løtuna haa teir gjørt tvey fríspørk.

Khmaladze hevur sæð gula kortið fyri fríspark ímóti Pætur Dam Jacobsen.

 

29) 0-0

Nú er stutt millum hornaspørkini hjá heimaliðnum, og tað eru spenta støður í EB/Streyma brotsteiginum!

 

24) 0-0

EB/Streymur hevur aftur havt horna, sum Gert Hansen legði innfyri. Tbilsi hevur skift út orsaka av skaða.

21) 0-0

Arnbjørn Hansen hevur fyrstu ferð verið upp á spæl í mótálopi, men hann varð steðgaður, tá ið teir gjørdu frísark ímóti honum.

 

16)0-0

Trýstið á EB/Streyma málið er stórt, men higartil hevur tað eydnast at verja fyri.Spælararnir ofra seg!

13) 0-0

EB/Streymur hevur havt fyrsta hornasparkið. Niels Pauli Danielsen legði innfyri,men tað spurdist einki burturúr.

10) 0-0

Heimaliðið Tær royndi hava verið ímóti málinum hjá René Tórgarð, og heimalðið hevur havt eitt hornaspark, men tað er framvegis málleyst.

 

5) 0-0

Dinmo Tbilsi - EB/Streymur kl.17.00

Á Boris Paichadze National Stadium í Tbilisi í Georgia

EB/Streymur: René Tórgarð – Gert Hansen, Marni Djurhuus, Dánjal Davidsen, Rógvi Egilstoft Nielsen – Pæltur Dam Jacobsen, Arnar Dam - Leif Niclasen, Levi Hanssen, Niels Pauli Danielsen – Arnbjørn Hansen

Dómarakvartett úr Malta:Alan Mario Sant, Alan Camilleri, Roberto Vella og Farrugia Cann Trustin