Video: Andorra vann sín fyrsta landsdyst síðani 2004

(Video) Andorra styrkti sær sjálvsálitið áðrenn teir møta Føroyum á heimavølli, leygardagin 25. mars

Andorra hevur vunnið sín fyrsta dyst síðani 2004, og er í einari góðari gongd áðrenn teir skulu møta Føroyum. Í kvøld vunnu teir á útivølli 2-0 á San Marino í einum venjingardysti

Andorra hevur vunnið sín fyrsta dyst síðani 2004, og er í einari góðari gongd áðrenn teir skulu møta Føroyum. Í kvøld vunnu teir á útivølli 2-0 á San Marino í einum venjingardysti

Andorra verða alt annað enn lættir at spæla ímóti í HM-undankappingardystinum, sum okkara fótbóltslandslið spæl spæla í Andorra, leygardagin 25. mars klokkan 17.

 

Í kvøld hevur Andorra vunnið ein góðan 2-0 sigur á útivølli ímóti San Marino. Talan er um fyrsta sigurin hjá Andorra síðani 2004. Andorra hevur spælt 86 landsdystir síðani seinasta sigurin, og nú hava teir loksins vunnið aftur.

 

Talan var um ein venjingardyst, sum var leiktur á Stadio de Olimpico í Sarravelle í San Marino. Ildefons Lima legði Andorra á odda, tá 28 minuttir vóru farnir av dystinum. Cristian Alejo økti til 2-0 miðskeiðis í seinna hálvleiki

 

Samstundis hava Føroyar mist bæði Sonna Ragnar Nattestad og Brand H. Olsen, sum báðir eru skaddir, og verða ikki við til dystin í Andorra. So týdningarmikið er at undirstrika, at um nakar skuldi hildið, at Føroyar eru stórir favorittar til at vinna á Andorra á útivølli, so er at broyta hugsan beinavegin. Andorra tapti eisini bara tepurt 1-2 ímóti Sveis í tí seinasta heimadystinum í HM-undankappingini, og teir hava tapt tepurt á heimavølli í teimum flestu dystunum.

 

Sera nógvur mjørki var undir dystinum millum San Marino og Andorra í Sarravelle. TRÝST á PÍLIN á MYNDINI, og síggj, at Sarravelle minti um Gundadal á ólavsøku, tá Andorra vann 2-0 á San Marino í kvøld. Upptøkan fær ein eisini at hugsa um HM-undankappingardystin ímóti Kekkia á Svangaskarði í 1997, sum vit taptu 1-0 aftaná Nedved og Smicer vístu vánaligan ítróttarligan atburð.