Váttað: Lukaku til Everton

Everton váttaði í gjárkvøldið, at felagið hevur keypt belgiska áleyparan frá Chelsea

Everton váttaði seint í gjárkvøldið, at felagið hevur belgiska áleyparan, Romelu Lukaku frá Chelsea. Romelu Lukaku var seinasta kappingarár leigaður út frá Chelsea til júst Everton, har Lukaku í fleiri førum vísti seg at vera sannur fongur.

 

Tað hoyrdist annars í gjárkvøldið, at Romelu Lukaku ikki kundi skifta til Everton í gjár, orsakað av vantandi pappírum, men tað eydnaðist Everton at fáa alt uppá pláss seint í gjárkvøldið.

 

Les eisini: Everton má bíða

 

Romelu Lukaku er tað dýrasta keypið, ið Everton nakrantíð hevur gjørt. Everton er noytt til at gjalda umleið 260 milliónir krónur fyri áleyparan. Frammanundan var Marouane Fellaini tað dýrasta keypið, ið Everton nakrantíð hevði gjørt. Hann kostaði umleið 140 milliónir krónur, tá felagið keypti hann í 2008.

 

Sáttmálin millum Romelu Lukaku og Everton er galdandi í 5 ár fram.