FIFA kannar Suarez

(HM 2014) Luis Suarez kann fáa leikbann upp í 24 dystir ella í tvey ár

Altjóða fótbóltssamgongan hevur boðað frá, at hendingin í gjár, tá Luis Suarez at síggja til beit Giorgio Chiellini, verður kannað nærri. Dómarin sá ikki hendingina og FIFA hevur heimild at revsa Luis Suarez eftirfylgjandi.

 

Les eisini: (Kjak) Hvussu langt leikbann skal Suarez hava?

 

Fótbóltssambandið í Uruguay og Luis Suarez hava til í kvøld at koma við eini verju. FIFA hevur heimild til at revsa Luis Suarez í upp til 24 dystir ella tvey ár. Leikbannið kann eisini koma at ganga útyvir Liverpool.

 

Les eisini: Her bítur Suarez

 

Longsta leikbannið í HM samanhangi er átta dystir. Tað fekk italski verjuspælarin, Mauro Tassotti, tá hann breyt nøsina á núverandi venjaranum hjá Barcelona, Luis Enrique í HM endaspælinum í 1994. Zinedine Zidane fekk leikbann í tríggjar dystir, tá hann í HM finaluni í 2006 stútaði italska miðverjan, Marco Materazzi, í bringuna.

 

Hetta er triðju ferð, at Luis Suarez bítur ein mótstøðuspælara.