NSÍ hevur nýggjan miðverja

Jóhan Troest Davidsen er skaddur og ikki á listanum í Sarpugerði

Klokkan 19.00 verður fyrsta bríksl í fyrsta dystinum í triðja umfari í Betrideildini.

Víkingur hevur í kvøld vitjan av grannunum í NSÍ.

Merkisvert er tað, at NSÍ miðverjin Jóhan Troest Davidsen ikki er á listanum íkvøld. Hann er ikki millum teir fyrstu ellivu, og hann er heldur ikki á beinkinum.

Í fjør var Oddur Á. Højgaard sera drúgvur í NSÍ miðverjuni. Higartil í ár hevur hann ikki spælt, tí hann hevur verið darvaður av skaða.

Í kvøld er Oddur Á. Højgaard fyri fyrstu ferð í NSÍ miðverjuni, har hann er makkari hjá Jákupi Jakobsen og Rógva Egilstoft Nielsen.

Jann Martin Mortensen, sum higarti hevur verið so mikið skaðadarvaður, at hann ikki hevur verið á NSÍ listanum, er í kvøld millum teir á NSÍ beinkinum.

Hjá Víkingi er tað merkisvert, at Andreas Lava Olsen er millum teir, sum eru á beinkinum.

 

Víkingur – NSÍ kl. 19.00

Dómari: Alex Troleis

Víkingur: Elias Rasmussen – Ari Olsen, Atli Gregersen, Vukasin Tomic, Elias Lervig – Bogi Reinert Petersen, Gunnar Vatnhamar – Lukasz Cieslewicz, Sølvi Vatnhamar, Jákup Johansen – Finnur Justinussen

Á beinkinum: Sonni Højgaard, Andreas Lava Olsen, Bergur Gregersen, Hans Jákup Lervig, Ingi Jonhardsson, Arnbjørn Svensson, Noah Mneney

Venjari: Eyðun Klakstein

NSÍ: Tórður Thomsen – Jákup Jakobsen, Oddur Á. Højgaard, Rógvi Egilstoft Nielsen – Bárður J. Hansen, Aron Knudsen, Betuel Hansen, Mórits Heini Mortensen, Jann S. Benjaminsen – Petur Knudsen, Klæmint A. Olsen

Á beinkinum: Karstin Hansen, Harald R. Højgaard, Búi Egilsson, Jann Martin Mortensen, Pætur Hentze, Salmundur Bech, Pætur T. Skipanes

Venjari: Glenn Ståhl