Pernille skoraði seks mál í enn einum stórsigri

Føroyingafelagið, Vendsyssel, er framvegis ósigrað eftir enn ein knúsandi stórsigur

Pernille Brandenborg og Vendsyssel halda fram á síni herferð á uppflytingarkósini (Mynd: veha.dk)

Pernille Brandenborg og Vendsyssel halda fram á síni herferð á uppflytingarkósini (Mynd: veha.dk)

Vendsyssel við teimum føroysku strikuleikarunum, Pernille Brandenborg og Bjartu Johansen, herjar framvegis ímóti fremstu donsku hondbóltsdeildini.

Sí eisini:

Pernille og Bjarta buldra ímóti bestu deildini

Sunnudagin vann Vendsyssel aftur stórsigur, og Pernille Brandenborg skoraði seks ferðir ímóti Sæby, sum var sent heim við einum avsmurningi upp á 36-16.

Sostatt styrkir Vendsyssel aftur um oddasessin í donsku fyrstu deild, áðrenn landsliðssteðgin sum kemur nú. Tá skal Pernille Brandenborg við føroyska landsliðnum spæla tveir vinardystir ímóti Íslandi.

Bjarta Johansen er við barn og spælir ikki í løtuni, men Pernille Brandenborg fær kortini ein liðfelaga við til Íslands, tí málverjin hjá Vendsyssel, Elín Jóna Þorsteinsdóttir verður við á íslendska landsliðnum.

Støðan í donsku fyrstu deild (haandbold.dk)

NrLiðD V J T +/- Stig
1 Vendsyssel Håndbold 9 8 1 0 252 - 171 17
2 Ringkøbing Håndbold 9 7 1 1 251 - 181 15
3 SønderjyskE 8 5 1 2 210 - 205 11
4 DHG 9 5 0 4 245 - 215 10
5 Bjerringbro FH 9 4 2 3 230 - 213 10
6 Gudme HK 9 4 1 4 201 - 220 9
7 TMS, Ringsted 9 3 2 4 225 - 215 8
8 Roskilde Håndbold 7 3 1 3 157 - 153 7
9 Rødovre HK 9 3 1 5 212 - 229 7
10 Sæby HK 8 2 0 6 171 - 256 4
11 Hadsten Håndbold 7 1 2 4 159 - 173 4
12 IF Stjernen, Odense 9 0 0 9 170 - 252 0

 

 

 

Pernille Brandenborg og Vendsyssel halda fram á síni herferð á uppflytingarkósini (Mynd: veha.dk)