Serbi skal skjóta málini hjá ÍF

ÍF skrivar soleiðis íkvøld:

Leitað hevur verið leingi og væl eftir tí rætta áleyparanum, og nú meta vit at hava funnið leikaran við teimum eginleikunum vit hava tørv á.

Talan er um 31-ára gamla Uros Stojanov, ið er 1,90m høgur, og er sera væl fyri bæði tekniskt og fysiskt.

Uros kemur til Fuglafjarðar í næstu viku, eftir eitt uppihald í Teilandi, har hann gjørdist toppskjútti í deildini í 2019.

Høgi áleyparin hevur spælt í bestu og næstbestu deildunum í m.a. Serbia, Montenegro, Bosnia og Cypern – eisini hevur hann spælt nakrar dystir í triðbestu griksku deildini.

Vit fegnast um at hava fingið Uros til felagið, og ynskja honum hjartaliga vælkomnum.