Siga frá AB-ÍF klokkan 15 og NSÍ-HB klokkan 19

Frásøgumenn hjá FM1 sunnudagin verða Sjúrður H. Hoydal og Tróndur Arge. Sendingin byrjar klokkan 14.55

Tróndur Arge sigur beinleiðis frá oddabrakinum millum NSÍ og HB við Løkin í Runavík, ið byrjar klokkan 19 sunnukvøldið

Tróndur Arge sigur beinleiðis frá oddabrakinum millum NSÍ og HB við Løkin í Runavík, ið byrjar klokkan 19 sunnukvøldið

Sunnudagin verður nógvur betrideildarfótbóltur á skránni á FM1.

Klokkan 15 sigur Sjúrður H. Hoydal beinleiðis frá botnbrakinum úti í Vika á Argjum millum nummar 9, AB og nummar 10, ÍF. FM1 fer eisini at hava heimildarmenn, og fer at kunna um gongdina í dystunum TB-Skála í Trongisvági og B36-EB/Streymur í Gundadali í Havn. Teir báðir dystirnir byrja eisini klokkan 15.

Millum klokkan 17 og 17.50 verður sendingin "Triði Hálvleikur", har m.a. verður prátað við Jákup á Borg, venjara hjá B36, Jákup Martin Joensen, venjara hjá EB/Streymi, Poul Ingason hjá TB og Eyðun Klakstein, venjara hjá Skála. Besta sms´ið sum kemur inn til nummar 559999 vinnur tvey atgongumerki til stórdansin hjá AB í høllini á Hálsi í Havn, leygarkvøldið 7. september.

Klokkan 19 sigur Tróndur Arge beinleiðis frá oddabrakinum við Løkin í Runavík millum NSÍ og HB.

Samrøður og hæddarpunkt koma út á in.fo. 

Øll kunnu hoyra sendingina á www.midlar.fo. Vanligu frekvensirnir hjá FM1 eru FM 88,7, FM 91,7, FM 93,9, FM 95,5 og FM 98,7. 

In.fo hevur beinleiðis tekstfrásøgn frá øllum dystunum.

 

 

Tróndur Arge sigur beinleiðis frá oddabrakinum millum NSÍ og HB við Løkin í Runavík, ið byrjar klokkan 19 sunnukvøldið