StÍF-VÍF 19-39 (SMS): Hoyr dystarendan og samrøður frá FM1

(FM1) Hoyr norska spælaran hjá VÍF, Lise Marie Evensen og Alexandur Johansen, venjara hjá StÍF seta orð á stórsigurin hjá VÍF

Fríða Petersen í VÍF-málinum var besti spælarin í dystinum StÍF-VÍF 19-39 (14-21)

Fríða Petersen í VÍF-málinum var besti spælarin í dystinum StÍF-VÍF 19-39 (14-21)

##med2##

Vestmannakvinnur høvdu eitt sindur av trupuleikum fyrstu løtuna av dystinum móti StÍF á Skála í kvøld, men tá fyrri hálvleikur var hálvrunnin byrjaði VÍF at draga frá strandakvinnum, og munurin vaks bara sum dysturin leið. Í steðginum var VÍF á odda 21-14. 

Í seinna hálvleiki stongdi Fríða Petersen málið hjá VÍF, og skoraði StÍF bara fimm mál í seinna hálvleiki. Endin var, at VÍF vann dystin við 20 málum.

StÍF-VÍF 19-39 (14-21)

StÍF: Erla J. Petersen 5, Ingibjørg Kass 4, Yuika Koromoto 3, Judit Johansen 3, Karina B. Høgnesen 2, Jonna P. Olsen 1 og Kristina B. Mikkelsen 1.

VÍF: Lise Marie Evensen 6, Liljan Müller 6, Agnas Olsen 6, Heidi Maria Akselsen 6, Randi Virgarsdóttir 5, Ró Nielsen 4, Durita C. Jojic 3, Ingibjørg Olsen 2 og Lív Ingdórsdóttir 1.

Á ljóðfíluni omanfyri ber til at hoyra frá FM1: 

1) Hoyr frásøgumannin hjá FM1, Sjúrður H. Hoydal siga frá dystarendanum. Sjúrður staðfesti, at Fríða Petersen í VÍF-málinum var besti leikarin á vøllinum.

2) Hoyr samrøðuna Sjúrður H. Hoydal gjørdi við norska leikaran, Lise Marie Evensen sum skoraði seks mál fyri VÍF í kvøld. Lise Marie Evensen staðfestir, at uppgávan í kvøld var av tí lættara slagnum, men tær vóru heldur trekar at koma í gongd í fyrra hálvleiki.

3) Hoyr samrøðuna Sjúrður H. Hoydal gjørdi við venjaran hjá StÍF, Alexandur Johansen sum ásannar, at kvinnurnar hjá StÍF hava verið í tungum sjógvi tveir teir seinastu dystirnar aftaná góða sigurin á Stjørnuni í fyrsta umfarinum. Júst tann sigurin hevði tó sera nógv at siga frá strandakvinnur, og ger útlitini fyri kappingarárinum væl frægari enn undanfarna kappingarár tá eingin sigur kom til høldar. 

 

 

Fríða Petersen í VÍF-málinum var besti spælarin í dystinum StÍF-VÍF 19-39 (14-21)

(Samrøður: Lise Marie Evensen og Alexandur Johansen)