TB vann á Eiði við einum disiplineraðum avriki (FM1)

(FM1) Hoyr heimildarmannin hjá FM1, Teit Joensen, Høvuðsvenjaran hjá EB/Streymi, Jákup Martin Joensen og Poul Ingason hjá TB lýsa sigurin hjá TB á Eiði

Ndende fekk TB á sigurskós tá eitt korter var farið av dystinum í Hólmanum á Eiði (Savnsmynd)

Ndende fekk TB á sigurskós tá eitt korter var farið av dystinum í Hólmanum á Eiði (Savnsmynd)

##med2##

TB vann ein sera góðan 2-0 sigur á EB/Streymi í Hólmanum á Eiði í dag. Ndende Adama Guéye legði TB á odda tá eitt korter var farið av dystinum. Miðskeiðis í seinna hálvleiki staðfesti John Villi Leo sigurin hjá TB. 

Heimildarmaðurin hjá FM1, Teitur Joensen heldur, at TB hevði dystin har teir vildu hava hann. EB/Streymur hevði bóltin nógv, men TB vardi væl og vóru vandamiklir í umstillingunum. TB vann aftaná eitt disiplinerað avrik á Eiði.

Høvuðsvenjarin hjá EB/Streymi, Jákup Martin Joensen staðfestir, at EB/Streymur fekk ov lítið burturúr leikligu yvirvágini, og hann ásannar, at EB/Streymur framvegis er partur av botnstríðnum, og tí verður at stríðast fyri at fáa stig aftur: - Teir vóru effektivir, og tað vóru vit ikki, sigur Jákup Martin Joensen. 

Poul Ingason hjá TB hevur ikki ilt av, at EB/Streymur hevði bóltin væl meir enn TB, tí TB var best tá tað kom til at fáa mál, og tí kunnu tvørámenn fara fegnir umborð á Smyril við trimum stigum: - Teir høvdu kanska bóltin, men teir fingu ikki nakað serligt burturúr, sigur Poul Ingason. Vit høvdu tak á tí, tá ið teir royndu seg við longum sendingum. Tað var sera týdningarmikið, tá ið Ndende eftir eitt korter hevði lagt okkum framum. Í seinna hálvleiki høvdu vit fleiri góðar møguleikar í skjótum mótálopum, og tað eydnaðist John Villi Leo Vøldike at økja til 2-0, greiðir TB-liðskiparin frá. 

Á ljóðfíluni omanfyri ber til at hoyra samrøðurnar verturin hjá FM1, Óli G. Samuelsen gjørdi við Teit Joensen, Jákup Martin Joensen og Poul Ingason. 

Ndende fekk TB á sigurskós tá eitt korter var farið av dystinum í Hólmanum á Eiði (Savnsmynd)

(Samrøður við Teit Joensen, Jákup Martin Joensen og Poul Ingason)