Stórsigur til Neistan

Tað var ongan tíð nakar ivi um, at Neistin skuldi vinna, tá tær høvdu vitjan av StÍF

savnsmynd

savnsmynd

Við sigrinum hava Neista-kvinnurnar rættað kósini móti hálvfinalunum í Coca-Cola kappingini.

 

Neistin legði bragdliga fyri, og longu eftir einum korteri høvdu tær vunnið sær eina hampuliga trygga leiðslu. Eftir hetta megnaðu gestirnir ongan tíð at skapa spenning aftur um útfallið av dystinum, har munurin at enda gjørdist 13 mál.

 

Bára Hansen hjá Neistanum og Fríðrun Danielsen hjá StÍF vóru bestu málskjúttarnir í dystinum. Tær skutu seks mál hvør.

 

Neistin-StÍF 32-19 (18-9)