Turið og Kyndil knústu Neistan

Kyndil heldur fast í oddastríðnum í SMS-deildini - Neistin dragnar

Turið Arge spældi ein framúr dyst á vinstra bakki hjá Kyndli - og skoraði 12 mál

Turið Arge spældi ein framúr dyst á vinstra bakki hjá Kyndli - og skoraði 12 mál

Á stigatalvuni var tað ein týðandi grannauppgerð, tá ið Kyndil og Neistin brustu saman í SMS-deildini í kvøld.

Sí eisini:

Neistin og Kyndil skulu innheinta H71 í kvøld

Neistin hevði ikki vunnið á Kyndli í meira enn eitt kappingarár, og í eini roynd at broyta hesa gongd, var avrátt at mansverja Súnu Krossteig Hansen frá fyrsta bríksli.

Hetta tóktist at skaka Kyndil nakað, og tær grønu høvdu eisini trupulleikar við at sleppa ígjøgnum bláa verjugarðin.

Í fyrra hálvleiki snúði dysturin seg um vinstru bakkarnar. Ana Blagojevic gekk undan hjá Neistanum, meðan Turið Arge Samuelsen - sum spældi vinstri bakkur hjá Kyndli í dag - hepnaðist við sera nógvum.

Kyndil hevði hug at renna undan stutt fyri hálvleik, men Neistin helt framvegis fast, og tók eisini hálvleiksleiðsluna hjá Kyndli aftur stutt inni í seinna hálvleiki - serliga væl eydnaðist tað Neistanum at revsa Kyndil fyri at spæla uttan málverja.

Men Kyndil fekk fatur aftur, og miðskeiðis í seinna hálvleiki fóru tær grønu veruliga at økja.

Tað gjørdu tær upp í úrslitið, 30-21 til Kyndil, ið nú liggur undir liðini á H71 á stigatalvuni - Kyndil og H71 spæla nú sunnudagin klokkan 14.00.

 

Kyndil – Neistin 30-21
SMS-deildin, 14/11/2019
Málskjúttar Kyndils
Turið Arge Samuelsen12
Bára Krossteig Hansen6
Natasja Hammer6
Halla Skylv Midjord4
Bjørt Krossteig1
Karin Skylv Midjord1
Málskjúttar Neistans
Ana Blagojevic7
Gunnfríð Nólsoy5
Ingunn Kristina Persson5
Maja Dragobuljovic1
Hjørdis Viðstein1
Anna Clementsen1
Barbara Johannesen1

Støðan í SMS-deildini eftir kvøldsins dyst

NummarLiðDystirV.m.T.m.MunurStig
1VÍF92491985114
2Kyndil82141466812
3H7182121852712
4Neistin92171981910
5Stjørnan9225240-158
6StÍF9193270-774
7VB8169242-730

Turið Arge spældi ein framúr dyst á vinstra bakki hjá Kyndli - og skoraði 12 mál