U-landsliðini fyrireikað seg til summarið

Stórar altjóða kappingar liggja fyri framman fyri ungdómslandsliðini

Mynd: (HSF) U19-landsliðið hjá kvinnum

Mynd: (HSF) U19-landsliðið hjá kvinnum

Øll ungdómslandsliðini í hondbólti eru altíð serliga virkin, tí stórar kappingar liggja fyri framman. Farna vikuskiftið vóru øll fimm ungdómslandsliðini hjá Hondbóltssambandinum í gongd. At kalla øll vikuskiftir eru bókaði við venjingum fram til summarkappingarnar, skrivar Hondbóltssambandið.

U17-landsliðið við monnum skal til EM-kapping í Svøríki í døgunum 1. til 5. juli. Hetta er fyrstu ferð, at hesin aldursbólkur skal vera við í altjóða kapping.

##med2## 

U19-landsliðið við kvinnum skal 15. til 21. juli taka lut í HM-kapping í Litava. Fleiri av spælarunum eru lyklaspælarar í bestu kvinnudeildini í Føroyum, umframt at nakrir spæla uttanlands.

##med3##

Í august skal U17-landsliðið við kvinnum spæla HM-kapping í Georgia. Leikararnir royndu seg á fyrsta sinni í altjóða kapping í fjørsummar. Einasti aldursbólkur, sum onga kapping hevur í summar, eru spælararnir, sum eru føddir í ár 2000. Teir skulu í næsta ár taka lut í HM-kapping fyri U20-landslið.

Mynd: (HSF) U19-landsliðið hjá kvinnum

Mynd: (HSF) U19-landsliðið hjá dreingjum

Myndir: (HSF) U17-landsliðið hjá dreingjum