Liverpool megnaði annan dystin upp í slag ikki at skjóta mál, tá Liverpool í kvøld tapti 1-0 móti Southampton. Venjarin hjá Southampton var so glaður, at hann fór at gráta eftir dystin.
Southampton kom á odda longu í fyrstu minuttunum, tá Danny Ings hegnisligan lyfti bóltin í málið, eftir lumpisligt fríspark. Restina av fyrra hálvleiki megnaði Southampton at órógva uppspælið hjá Liverpool, sum einki fekk burturúr.
Í seinna hálvleiki legði Liverpool nógv fyri, og kringsetti í løtum brotsteigin hjá Southampton. Tað bleiv tó sjáldan vandamikið. Tey nógvu innleggini blivu avvíst av miðverjuni, meðan málverjin tók tá verjan ikki megnaði tað.
Tá dómarin bríkslaði av fór venjarin hjá Southampton, Ralph Hasenhuettl, á knæ grátandi av gleði. Southampton er nummar seks Premier League, meðan Liverpool framvegis er nummar eitt, men hevur nú spælt ein dyst fleiri enn Manchester United.
| 1 | Liverpool | 17 | 9 | 6 | 2 | 37:21 | 33 |
| 2 | Man Utd | 16 | 10 | 3 | 3 | 33:24 | 33 |
| 3 | Leicester | 17 | 10 | 2 | 5 | 31:21 | 32 |
| 4 | Tottenham | 16 | 8 | 5 | 3 | 29:15 | 29 |
| 5 | Man City | 15 | 8 | 5 | 2 | 24:13 | 29 |
| 6 | Southampton | 17 | 8 | 5 | 4 | 26:19 | 29 |
| 7 | Everton | 16 | 9 | 2 | 5 | 26:20 | 29 |
| 8 | Aston Villa | 15 | 8 | 2 | 5 | 29:16 | 26 |
| 9 | Chelsea | 17 | 7 | 5 | 5 | 32:21 | 26 |
| 10 | West Ham | 17 | 7 | 5 | 5 | 24:21 | 26 |
| 11 | Arsenal | 17 | 7 | 2 | 8 | 20:19 | 23 |
| 12 | Leeds | 17 | 7 | 2 | 8 | 30:33 | 23 |
| 13 | Wolves | 17 | 6 | 4 | 7 | 18:24 | 22 |
| 14 | Crystal Palace | 17 | 6 | 4 | 7 | 22:29 | 22 |
| 15 | Newcastle | 16 | 5 | 4 | 7 | 18:26 | 19 |
| 16 | Burnley | 15 | 4 | 4 | 7 | 9:20 | 16 |
| 17 | Brighton | 17 | 2 | 8 | 7 | 21:28 | 14 |
| 18 | Fulham | 15 | 2 | 5 | 8 | 13:23 | 11 |
| 19 | WBA | 17 | 1 | 5 | 11 | 11:39 | 8 |
| 20 | Sheffield Utd | 17 | 0 | 2 | 15 | 8:29 | 2 |
