VIDEO: Kaj Leo og hinir í Vali vunnu stórsigur

(Video) Magnus Egilsson slapp ikki á vøllin, tá Valur vann 4-0 á HK á útivølli. Sìggj málini her

Kaj Leo í Bartalsstovu fekk 80 minuttir á vøllinum, tá Valur vann 4-0 á HK á útivølli

Kaj Leo í Bartalsstovu fekk 80 minuttir á vøllinum, tá Valur vann 4-0 á HK á útivølli

Tað gekk væl hjá føroyingaliðnum, Vali í Pepsideildini í Íslandi ígjár.

Valur vann stórsigur 4-0 á HK á útivølli. Longu í steðginum var støðan 3-0 til Val. 

Kaj Leo í Bartalsstovu fekk 80 minuttir á vøllinum, meðan Magnus Egilsson tíverri sat á beinkinum allan dystin.

Patrick Pedersen skoraði reint hattrick fyri Val uppá 19 minuttir í fyrra hálvleiki. Seint í seinna hálvleiki økti Birkir Heimisson til 4-0.

Komandi fríggjakvøld hevur Valur heimadyst móti Akranesi.

Høvuðsvenjari hjá Vali er Heimir Guðjónsson, ið var høvuðsvenjari hjá HB í 2018 og í 2019.

Gunnar Nielsen og liðfelagarnir í FH spæla á útivølli móti Víkingi Reykjavík í kvøld klokkan 20.15.

Valur hevur seks stig fyri tríggjar teir fyrstu dystirnar í Pepsideildini.

HER ber til at síggja málini Valur skoraði móti HK: 

Kaj Leo í Bartalsstovu fekk 80 minuttir á vøllinum, tá Valur vann 4-0 á HK á útivølli