VÍF vann oddasessin - H71 fall á Hálsi

VÍF rann unnan StÍF í seinna hálveiki og Neistin setti H71 upp á pláss

Savnsmynd. Ingunn Persson (í bláum) vann á Maritu Mortensen (í svørtum)

Savnsmynd. Ingunn Persson (í bláum) vann á Maritu Mortensen (í svørtum)

SMS-deildin:

VÍF - StÍF 27-17

Neistin - H71 26-19

(Ljóðbrot frá FM1 verða løgd á in.fo seinni)

Í morgun vóru VÍF og H71 jøvn á fremsta plássi í SMS-deildini og bæði liðini mundu hava favorittleiklutin, tá ið tey spældu ímóti ávikavist StÍF og Neistanum.

Les eisini: Spennandi umfar í SMS-deildini

Í Vestmanna hekk StÍF í heimaliðnum í fyrra hálvleiki, men ímóti endanum av dystinum skrædnaði av álvara og VÍF vann 27-17.

Sum dysturin var liðugur kundu vestmenningar fegnast, tá ið tær frættu, at Neistin hevði vunnið 26-19 á H71.

Neistin hevði leiðsluna meginpartin av dystinum, men tað eydnaðist hoyvíkskvinnum at leggja seg á odda við einum máli í seinna hálvleiki. Tað var serliga Marita Mortensen, ið gav Neistanum trupulleikar, og Neistin svaraði við at mansverja vinstra bakkin.

Næsta vápnið hjá H71 var Durita Toftum á strikuni, men hon mátti eisini síggja Maju Dragobujlovic í málinum forða fyri í fleiri førum.

Vápnini vóru nakað lík hjá Neistanum. Ingunn Kristina Persson skaraði framúr og endaði á 12 málum, meðan Hjørdis Viðstein á strikuni og Gunnfríð Nólsoy á høgra vongi eisini hepnaðust væl. Ana Blagojevic á vinstra bakki gav eisini nøkur dømi um at hon hevur góð skot úr fjarstøðu og sum heild tóktist tað sum at Neistin hevði fleiri loysnir enn H71 í álopinum.

Tá ið Neistin kom trý mál fram um við færri enn tíggju minuttum eftir, royndi H71 at seta ferðina upp, men Maja og neistaverjan, við Hjørdis Viðstein á odda, stóðu stinn, og fingu økt upp í endaligu støðuna 26-19.

 

 

Savnsmynd. Ingunn Persson (í bláum) vann á Maritu Mortensen (í svørtum)