Brasilia farið um 70.000 andlát av koronuvirus

Upp á 35 dagar er talið av deyðum í Brasilia av koronuvirus tvífaldað til yvir 70.000.

Brasilski forsetin, Jair Bolsonaro, sum hevur hildið hánt um koronuvirusið og verjutiltøkini, hevur sjálvur smittaður við koronu

Brasilski forsetin, Jair Bolsonaro, sum hevur hildið hánt um koronuvirusið og verjutiltøkini, hevur sjálvur smittaður við koronu

Brasilia er sum annað landið í heiminum farið um 70.000 andlát av koronuvirus.

Tað upplýsti heilsumálaráðið í Brasilia í gjár

Seinastu 24 tímarnar er talið av deyðum hækkað við 1.200 upp í tilsamans 70.400, meðan talið av smittaðum er hækkað við 45.000 til 1,8 millión.

Brasilia, sum hevur 212 milliónir íbúgvar, er eftir USA tað land, sum er harðast rakt av virusútbrotinum.

Í USA, sum hevur eitt fólkatal upp á 330 milliónir, eru yvir 134.000 fólk deyð av virusinum. Harvið hevur Brasilia havt 335 andlát fyri hvørja millión íbúgvar, meðan USA hevur havt 403.

Talið av deyðum í Brasilia hevur tikið dik á seg seinstu tvær vikurnar. Seinastu 35 dagarnar er talið av deyðum tvífaldað. Serliga í statunum Rio de Janeiro og São Paulo verður boðað frá nógvum deyðum.

/ritzau/AFP

 

Brasilski forsetin, Jair Bolsonaro, sum hevur hildið hánt um koronuvirusið og verjutiltøkini, hevur sjálvur smittaður við koronu