Dysturin millum Slovan Bratislava og KÍ verður ikki spældur

Kravið frá farsóttarnevndini er púra greitt: Annaðhvørt fara slovakisku spælararnir í 14 dagar sóttarhald ella skulu teir av aftur landinum við sama flogfari, sum teir komu við.

Slovakisku spælararnir á vøllinum í Djúpumýru, áðrenn teir fingu boðini um, at eingin dystur verður.

Slovakisku spælararnir á vøllinum í Djúpumýru, áðrenn teir fingu boðini um, at eingin dystur verður.

Tað eru greiðu boðini, sum teir hava fingið, eftir at tað varð stafest, at ein persónur í ferðalagnum var testaður positivur fyri koronuvirus.

Slovakisku spælararnir hava verið í Klaksvík í dag, og teir hava eisini vant á vøllinum í Djúpumýru. Men nú er greitt, at dysturin verður ikki spældur í morgin, og tað merkir helst, at KÍ hevur vunnið dystin.

UEFA hevur sett síðstu freist fyri at fáa dystin frá hondini at vera fríggjadagin. Tí er tað í løtuni nógv, sum bendir á, at KÍ í næstu viku skal til Sveis at spæla í øðrum innleiðandi umfari í Champions League.

 

Endalig boð hesum viðvíkjandi vera at frætta tíðliga í morgin, varð upplýst í Degi og viku í kvøld.

Slovakisku spælararnir á vøllinum í Djúpumýru, áðrenn teir fingu boðini um, at eingin dystur verður.