Ein smittutilburður í gjár

Tann smittaði er partur av einari smittuketu, sum landslæknin fylgir

Ein nýggjur smittutilburður varð staðfestur í gjár. Tað vísa nýggjastu tølini hjá Landslæknanum, sambært corona.fo. 

Tann smittaði er partur av einari smittuketu, sum landslæknin fylgir. Viðkomandi er avbyrgdur, og landslæknin er í gongd við smittusporingina.

Í gjár vórðu 575 kanningar gjørdar, men enn vanta 36 kanningar at verða greinaðar. Í alt eru 164.290 kanningar gjørdar.

Tilsamans hava nú 499 persónar fingið staðfest smittuna í Føroyum. Í alt eru 497 persónar staðfestir frískir aftur, og sostatt eru tveir persónar smittaðir í løtuni.

Eingin er í løtuni innlagdur á Sjúkrahúsverki Føroya í sambandi við koronusmittuna.