Íbúðarneyðin: Vit kunnu ikki bara loysa íbúðarneyðina við pengum og politiskum pappír loysnum!

Tørvur er eisini á, at land, kommunur og vinnan steðga á við verkætlanum, ið ikki hava við íbúðir og sethús at gera.

 

Ábyrgdin av hesi húsa neyðini liggur nevniliga hjá trimum pørtum: Landinum, kommununum og vinnuni. Allir trýggir partar hava valt, at byggja stórar og stásiligar verkætlanir, sjálvt um fólk standa í bíðirøð í fleiri ár eftir at fáa síni hús bygd.

 

Um vit vilja byggja hús og heim til fólk, so mugu vit hugsavna okkum um tað. Vit hava ikki óendaliga nógvar húsasmiðir í Føroyum, og vit mugu brúka tað arbeiðsmegina, ið vit hava, rætt. Bara at flyta fleiri og fleiri útlendskar handverkarar til landið, kemur ikki at gagna okkum í longdini, tí vit vita ikki altíð, um kvaliteturin av handverkinum er gott nokk. Og er handverkið ikki gott nokk, so fáa vit brúk fyri enn fleiri handverkarum í framtíðini, at rætta uppá vánaliga kvalitetin.

 

So, um vit veruliga vilja loysa hesa trupulleikan, so mugu allir umtalaðu partar geva seg eitt vet.

 

Snak fremur einki; handling ger!

 

Hvør flytur seg fyrst?

 

Eg haldi, at landið skal vísa vegin.

 

Jenus í Trøðini valevni fyri Tjóðveld