Mótmælisfólk í Hongkong brotið seg inn í tjóðartingið

Løgreglan hevur eftir øllum at døma slept vónini at halda mótmælisfólkum burtur frá tjóðartinginum í Hongkong.

Umstrídda lógaruppskotið er enn ikki tikið aftur, men bara fyribils lagt til viks.

Eftir at hava roynt í nógvar tímar eydnaðist umsíðir mótmælisfólkum at treingja inn í tjóðartingsbygningin í Hongkong.

##med2##

Tíðindastovan AP skrivar, at tey hava knúst trygdarglas og metalgittar, sum forðaðu teimum at sleppa inn.

Sjónvarpsmyndir frá i-Cable News vísa, hvussu ein stórur hópur av mótmælandi við heimagjørdum skjøldrum treingir seg inn í bygningin.

At døma eftir sjónvarpsmyndunum hava tey løgreglufólk, sum royndu at halda mótmælisfólkinum aftur við piparspreyi, trekt seg longur aftur í bygningin.

Orsøkin til ófriðin er, at í dag eru 22 ár síðani, at Stórabretland læt Hongkong yvir til kinesiska stýrið.

##med3##

Og sjálvt um kinverjar hava undirskrivað eina avtalu um ikki at blanda seg upp í politisku viðurskiftini í havnarbýnum, so kenna mong tað soleiðis, at kinverjar ikki halda tað, sum teir hava lovað.

Tað seinasta var eitt lógaruppskot um, sum lat upp fyri møguleikanum, at myndugleikarnir í Hongkong kunnu lata mistonktar persónar til rættarsókn í Kina.

Tað elvdi til stór mótmæli, og síðani hevur politiski leiðarin í Hongkong, Carrie Lam, verið noydd at koma við umbering og at útseta uppskotið.

##med4##

Hon hevur higartil ikki viljað tikið uppskotið aftur, sum mótmælisfólkini hava kravt.

Carrie Lam steig í sambandi við hátíðarhaldið av ársdegnum alment fram fyri fyrstu ferð í næstan tvær vikur.

Í røðu síni segði hon, at hon hevur lært av ófriðinum, sum stóðst av hesum.

– Tað, sum er hent seinastu mánaðirnar, hevur ført til ósemju millum almenningin og stjórnina.

##med5##

– Tað hevur fingið meg at síggja, at eg sum politikari alla tíðina má minna meg sjálva á, hvussu avgernandi neyðugt tað er heilt at skilja fólkið, segði hon.

 

/ritzau/

BEINLEIÐIS úr Hongkong

Thousands march in Hong Kong on China handover anniversary - live