Sosial frástøða í minst eitt ár aftrat

Tað sigur Kåre Mølbak, fakligur stjóri í Statens Serum Institut.

 

- Tað kunnu ganga mánaðir - ja, enntá ár - áðrenn fólk kunnu liva aftur, sum tey gjørdu fyri korona-kreppuna.

Tað sigur Kåre Mølbak, fakligur stjóri í Statens Serum Institut, við Berlinske.

Hann vísir á, at stór konserttiltøk, sjónleikaraframførslur, klemm, lógvatøk og nært samband við onnur ikki eiga at fara fram í langa tíð framyvir.

Kåre Mølbak hevur áður sagt, at tað í minsta lagi fer at ganga eitt ár, áðrenn ein verulig og effektiv koppseting móti korona-smittu verður klár.

Tí væntar fakligi stjórin í Statens Serum Institut, at neyðugt verður at halda sosiala frástøðu, sum hann rópar tað, í minsta lagi í eitt ár aftrat.

- Tað merkir, at fólk ikki kunnu tyrpast saman við morgunmatarborð á arbeiðsplássinum fríggjamorgun, og tað merkir eisini, at fólk skulu aftrat seg við nærleika annars.

Kåre Mølbak sigur, at neyðugt verður at samskifta, soleiðis sum gjørt hevur verið higartil í korona-kreppuni, eitt nú um skype ella zoom, sum nógv longu gera í dag.