Tvey fólk skotin til deyða við synagogu í Týsklandi

Ein persónur er handtikin eftir skottilburð í týska býnum Halle. Tað skrivar týska løgreglan á Twitter. Tvey eru funnin dripin.

(Photo by Sebastian Willnow / dpa / AFP) / Germany OUT

(Photo by Sebastian Willnow / dpa / AFP) / Germany OUT

– Okkara fólk hava handtikið ein persón. Men verið kortini á varðhaldi. Vit eru mannsterk á staðnum í og kring Halle fyri at stabilisera øki9ð, skrivar lokala løgrelgna í Halle á Twitter.

Løgreglan er mannsterk til úti og jagstrar fleiri illgerðarmenn.

– Í sambandi við kritisku støðuna í Halle hevur borgarstjórin, Bernd Wiegand, kallað inn tilbúgvingina, upplýsir býarstýrið.

##med2##

– Sambært fyribils upplýsingum eru tvey fólk dripin. Tað vóru fleiri skot. Mistonktir illgerðarfólk eru flýdd við bili. Vit arbeiða av øllum alvi og heita á fólk um at vera innandura, skrivaði løgreglan á Twitter um hálgum eitttíðina.

Eitt skotoffur liggur undir einum laki á gøtuni yvir av synagonguni í miðbýnum.

– Offrið liggur á vegnum umleið 30 metrar frá synagoguni og er fjalt í einum bláum klæði, skrivar dpa.

##med3##

Sambært blaðnum Bild er skottilburðurin farin fram framman fyri eini synagogu í býnum.

Blaðið skrivar eisini, at tað umframt skot eisini er kasta ein hondgranat inn á ein jødiskan kirkjugarð.

##med4##

Jarnbreytarfelagið Deutsche Bahn skrivar á Twitter, at jarnbreytarstøðin í Halle er avbyrgd.

Tíðindablaðið Forbes skrivar sambært Reuters, at fleiri skot seinni hava verið í grannabýnum Landsberg. Tað sama sigur talsmaður fyri løgregluna við tíðindastovuna dpa.

Týska ávaringartænastan Katwarn, sum sendir ávaringar út til fartelefonir, skrivaði sambært dpa fyrr í dag:

– Farið ikki úr húsum og íbúðum, haldið tykkum burtur frá vindeygum og hurðum. Fjalið tykkum og haldið tykkum burtur frá glasi.

##med5##

Løgreglan hevur enn ikki upplýst kyn ella aldur á teimum dripnu.

Í umhvørvisflokkinum Teimum Grønu sigur Cem Özdemir, at »tað eru ræðulig tíðindi úr Halle á jødiska semjudegnum Jom Kippur.

– Eg eri sjokkeraður og keddur, skrivar hann í einum tweet-boðum.

 

/ritzau/Reuters

(Photo by Sebastian Willnow / dpa / AFP) / Germany OUT