USA fer at avrætta fyrstu kvinnuna í 67 ár

Amerikanska stjórnin ætlar at avrætta Lisu Montgomery 8. desember. Hon verður fyrsta kvinna, sum USA hevur avrættað síðani 1953.

 

 

Amerikanska stjórnin fyrireikar at avrætta Lisu Montgomery 8. desember. Hon varð í 2007 dømd fyri at hava kvalt eina kvinnu við barn til deyða í statinum Missouri. - Foto: Ho/Reuters

Amerikanska stjórnin fyrireikar at avrætta Lisu Montgomery 8. desember. Hon varð í 2007 dømd fyri at hava kvalt eina kvinnu við barn til deyða í statinum Missouri. - Foto: Ho/Reuters

Amerikanska løgmálaráðið ger nú klárt at fremja ta fyrstu avrætting av eini kvinnu í næstan 70 ár.

Tað er greitt, eftir at ráðið í gjár upplýsti, at tann dømda drápskvinnan Lisa Montgomery skal avrættast 8. desember.

52 ára gamla Montgomery varð í 2007 dømd fyri at hava kvalt eina kvinnu við barn í statinum Missouri.

Sambært løgmálaráðnum verður hon avrættað við eini deyðiligari innspæning í fongslinum Terre Haute í statinum Indiana.

Amerikanska stjórnin avrættaði seinasta eina kvinnu í 1953 sambært felagsskapinum Death Penalty Information Center.

Ta ferðina varð ein kvinna, Bonnie Heady, avrættað í einum gasskamari í statinum Missouri fyri at hava burturflutt og dripið ein seks ára gamlan smádrong.

Løgmálaráðið upplýsir í somu boðum í gjár, at ein maður, Brandon Bernard, skal avrættast 10. desember.

Hann er saman við fleir øðrum sekum dømdur at hava dripið tveir ungdómsprestar í 1999.

Tær báðar avrættingarnar fara at vera nummar átta og níggju, sum amerikanska stjórnin hevur framd í ár.

Stjórnin hjá Donald Trump tók uppaftur í juli í ár avrættingar eftir steðg í 17 ár.

Síðani hevur amerikanska løgmálaráið avrættað fleiri persónar, enn allir undanmenn hjá Donald Trump síðani 1963 hava avrættað tilsamans.

Seinast, amerikanska stjórnin avrættaði fleiri enn seks fólk í einum ári, var í 1942.

Avgerðin um at taka uppaftur avrættingarnar varð tikin, eftir at fongsulsfelagið í í USA í fjør boðaði frá, at tey fóru at broyta mannagongd við deyðiligari innspræning.

Funnist hevur fleiri ferðir verið at avrættingarmannagongdini fyri at vera ómenniskjanslig og sera pínufull fyri fangarnar.

/ritzau/Reuters

 

 

 

Amerikanska stjórnin fyrireikar at avrætta Lisu Montgomery 8. desember. Hon varð í 2007 dømd fyri at hava kvalt eina kvinnu við barn til deyða í statinum Missouri. - Foto: Ho/Reuters