Tað er stórt vónbrot í B68 leguni Uppi á Brekku í Leirvík. Aron S. Vestu hevur fyri lítlari løtu síðani bríkslað fyri síðstu ferð. Úrslitið varð 0-0. Tað ber við sær, at B68 møguleikin at flyta upp í bestu deildina er burtur. Um uppflytingin skuldi verða veruleiki, so var neyðugt hjá B68 at vinna í Leirvík.
ÍF, sum í løtuni spælir á Sandi, verður einasti uppflytarin. Hvør tað verður, sum fer at flyta niður, verður avgjørt seinni seinnapartin.
Fyrsta bríksl verður klokkan 15.30. Tað verður í Trongisvági ella í Hólmanum á Eiði, at niðurflytarin verður funnin.
07 Vestur, sum vitjar við Stórá í Trongisvági, hevur 17 stig, meðan AB, sum er á Eiði, hevur 15 stig. Málmunurin hjá 07 Vestur er -40, og hjá AB er hann -41.
