Í Norðoyggjum eru talið av løntakarum minkað sløk 10% hetta seinasta árið. Tað skrivar Hagstovan á heimasíðu sínari. Samlaða talið av løntakarum var í apríl mánaði í ár 25.195, og eru hetta á leið 1.000 færri, enn tað var í apríl mánaði í fjør. Hetta svarar til 3,6%. Nógv tann størsta afturgongdin er í Norðoyggjum, har talið av løntakarum er minkað 9,9% hetta seinasta árið. Minsta afturgongdin er í Suðurstreymoy, har talið av løntakarum minkaði 1,7%.
