Meirilutin í løgtinginum, sum hósdagin feldi uppskotið hjá Javnaðarflokkinum og Tjóðveldinum um at krevja kringvarpsgjaldið inn umvegis skattin var ikki so sannførandi stórur, tí tað vóru bara 39 prosent av tingfólkunum aftan fyri meirilutan.
Tá málið kom til atkvøðugreiðslu, vóru bara 20 tingfólk í salinum, hóast 27 fólk vórðu skrivað í gerðabókina fyri at hava verið á fundi.
So meðan tað manglaðu sjey fólk í samgonguni, so var andstøðan ikki stórt frægari, tí í anstøðuni manglaðu seks.
Tað var kortini greitt frammanundan, at málið ikki fór at vinna frama, tí øll samgongan og Poul Michelsen í Framsókn vóru ímóti uppskotinum í mentanarnevndini.
Tey sjey, sum atkvøddu fyri uppskotinum vóru:
Sirið Stenberg, Tjóðveldi
Gunvør Balle, Tjóðveldi
Kristina Háfoss, Tjóðveldi
Høgni Hoydal, Tjóðveldi
Eyðgunn Samuelsen, Javnaðarflokkurin
Henrik Old, Javnaðarflokkurin
Aksel V. Johannesen, Javnaðarflokkurin
Tey trettan, sum atkvøddu ímóti vóru:
Jógvan á Lakjuni
Jóna Mariusardóttir Mortensen
Alfred Olsen
Reimund Langgaard
Rósa Samuelsen
Eivin Jacobsen
Joen Magnus Rasmussen
Brandur Sandoy
Bjarni Djurholm
Jákup Mikkelsen
Kristianna Winther Poulsen
Jenis av Rana
Edva Jacobsen
Tey seks, sum sambært gerðabókini ikki vóru til arbeiðis hendan dagin, vóru:
Bill Justinussen
Hanus Samró
Elsebeth M. Gunnleygsdóttur
Rodmundur Nielsen
Poul Michelsen
Mikkjal Sørensen
Og tey fýra, sum sambært gerðabókini vóru til arbeiðis hendan dagin, men sum ikki vóru í tingsalinum, tá atkvøtt var um uppskotið, vóru:
Rigmor Dam úr Javnaðarflokkinum
Gerhard Lognberg úr Javnaðarflokkinum
Páll á Reynatúgvu úr Tjóðveldi
Bjørt Samuelsen úr Tjóðveldi
Sambært Rigmor Dam mátti hon fara av fundinum, tí hon hevði barnaføðingardag heima við hús. OrðAskiftið um blokkin dró so nógv út, at hon ikki náddi málið um kringvarpsskattin.
- Eg avtalaði við Gunvør Balle, at hon tók sær av málinum. Síðani clearaði eg við Helga Abrahamsen, sigur Rigmor Dam við Portalin.
