Tvær áttandapartsfinalur í Champions League kappingini hava í kvøld verið spældar.
Og sigast má, at báðar áttandapartsfinalurnar leveraðu undirhald á hægsta stigið.
Av dystunum, var størra uppgerðin á Etihad leikvøllinum í Manchester, har Manchester City tók ímóti Monaco. Undan dystinum var Manchester City ein rímiliga greiður favorittur, men gestirnir úr Monaco argaðu av álvara.
Dysturin endaði við einum 5-3 sigri til Manchester City, eftir at dysturin hevði bylgja nógv aftur og fram. Manchester City legði seg fyrst á odda 1-0, áðrenn Monaco fyrst kom á odda 2-1 og síðani eisini 3-2, áðrenn Manchester City í endanum vendi dystinum, soleiðis at hann endaði 5-3.
Á liðnum hjá Monaco í kvøld spældi eitt av stóru floppunum í enskum fótbólti seinastu árini, Radamel Falcao. Falcao var sum heild millum bestu mennirnar á vøllinum, og skoraði hann eisini tvey mál fyri Monaco, umframt at hann eisini brendi eitt brotsspark.
Í hinari áttandapartsfinaluni møttust Leverkusen og Atletico Madrid í Týsklandi.
Tann dysturin endaði við einum 4-2 sigri til gestirnar úr Atletico Madrid, eftir hálvleiksstøðuna 2-0.
Tí eru stór útlit fyri, at bæði Manchester City og Atletico Madrid tí spæla seg víðari í fjórðingsfinalurnar. Í annaðkvøld vera tvær aðrar áttandapartsfinalur leiktar, sum vera millum Sevilla og Leicester, umframt FC Porto og Juventus.
Dystirnir í kvøld:
Bayer Leverkusen – Atletico Madrid 2-4 (0-2)
0-1 Saul Niguez
0-2 Antoine Griezmann
1-2 Karim Bellarabi
1-3 Kevin Gameiro
2-3 Stefan Savic (Sjálvmál)
2-4 Fernando Torres
Manchester City – Monaco 5-3 (1-2)
1-0 Raheem Sterling
1-1 Radamel Falcao
1-2 Kylian Mbappe Lopin
2-2 Sergio Aguero
2-3 Radamel Falcao
3-3 Sergio Aguero
4-3 John Stones
5-3 Leroy Sane
