Bert 16 ára gamal, fyrsti kappingardysturin í Burn-mansdeildini, toppskjútti við níggju málum, og valdur til besta spælara í dystinum.
Óli Mittún, ið er yngri bróðir Paula Mittún og systkinabarn Elias Ellefsen á Skipagøtu hevur í kvøld fingið sína debut í Burn mansdeildini við stórum stíli. Hann og liðfelagarnir lótu ongan iva vera um hvør var tað betra liðið í Badmintonhøllini í Klaksvík í kvøld. H71 vann stórsigur 38-25. Team Klaksvík var heilt væl við fyrstu løtuna, men í seinnu hálvu av fyrra hálvleiki dróg H71 frá Team Klaksvík, og í steðginum var støðan 17-11 til H71. Í seinna hálvleiki legði H71 aftrat leiðsluni. Tað gjørdi ikki uppgávuna hjá klaksvíkingum lættari, at Valentino Valentakovic mátti av vøllinum við skaða.
Team Klaksvík-H71 25-38 (11-17)
Málskjútti Team Klaksvík: Vuk Stevanovic 7, Jens Pauli Mohr 5, Valentino Valentakovic 4, Tummas Simonsen 3, Jan Eli Ragnarsson 2, Sámal á Tjaldrafløtti 2, Ludvík Súnason 1, Vilhelm Vilhelmsen 1.
Málskjútti H71: Óli Mittún 9, Pætur Thomsen 7, Niklas H. Hanusarson 5, Janus D. Djurhuus 4, Sveinur Olafsson 4, Rókur Ziskason 3, Peter Krogh 3, Bogi Hansen 1, Rói E. á Skipagøtu 1, Emil Svoldgaard 1.
Støðan (hsf.fo) | Dystir | Vunnin mál | Tapt mál | Munur | Stig |
---|---|---|---|---|---|
KÍF | 7 | 190 | 174 | 16 | 12 |
H71 | 7 | 223 | 170 | 53 | 10 |
VÍF | 9 | 255 | 236 | 19 | 10 |
NEISTIN | 8 | 241 | 232 | 9 | 8 |
TEAM KLAKSVÍK | 9 | 249 | 263 | -14 | 7 |
KYNDIL | 9 | 216 | 261 | -45 | 6 |
STÍF | 9 | 247 | 285 | -38 | 5 |