Í gjárkvøldið frættist, at ein sjálvmorðsbumbuspreinging við eina sunnimuslimska mosku í iranska høvuðsstaðnum Bagdad hevur kravt 16 mannalív.
- Bumban brast, tá tey biðjandi fóru úr moskuni. Lík vórðu slongd aftur av sterku spreingingini, sigur ein løgreglumaður av staðnum.
Spreingingin hendi í Doura, har fólk fylktust saman at biðja, nú ramadan er, muslimski føstumánaðurin.
Hetta vikuskiftið hevur verið eitt blóðugt í Irak. Fríggjadagin doyðu 30 fólk av bumbuálopi á eina kaffistovu í Kirkuk í Norðurirak.
Meir enn 2500 fólk eru deyð av harðskapi í Irak í ár, harav 330 bara henda mánaðin, skrivar Ritzau.
Mynd: ALI AL-SAADI © Scanpix
