Tann 4. januar vóru 50 ár liðin, síðani kendi bólkurin The Doors kom við fyrstu útgávu síni, ið hevði navn eftir bólkinum sjálvum.
Plátan kom í januar, men tað var tó í mars í 1967, at tónleikurin kom á hittlistarnar í USA, og bólturin fór á rull.
The Doors høvdu spælt á ymsum klubbum í eitt ár, og høvdu harvið vant tey 11 løgini, ið komu á plátuna, rættiliga væl.
Tað tók tí bert 6 dagar at innspæla plátuna, tó at fyrsti dagurin í upptøkuhølunum gav limunum í The Doors høvuðbrýggj, tí teir vistu ikki, at tað ikki var sum at standa á palli, tá ein spælir tónleik í upptøkuhølunum, og at sama ljóð ikki er í upptøkuhølunum, sum á palli.
Bólkurin, og sangarin Jim Morrison, skrivaðu seg í rocksøguna við hesi útgávuni, og tí, teir seinni góvu út. Eftir fyrstu LP plátuna í januar 1967 gekk skjótt, og longu í apríl kom Light my Fire sum single.
Útgávur komu út fram til 1972.
Jim Morrison doyði í juli í 1971.
