Ísraelskir stríðsvognar og flogfør hava framt eina røð av álopum móti málum har suðuri í Gaza í dag, nú júst hundrað dagar eru farnir síðan israelsku innrásina.
Sagt verður frá hørðum bardøgum fleiri staðni í Gazageiranum.
Í dag eru internetsamband ella telefonsamband óvirkin í Gaza, og tíðindastovan NTB veit at siga, at hetta ger tað eyka trupult hjá neyðsynjartænastum í økinum.
- Hetta er triði dagur á rað, at samskiftismøguleikarnir eru burtur, verður lagt aftrat.
Ísraelski herurin sigur, at tey hava beint fyri fleiri Hamas-hermonnum í býunum, Al-Bureij og Al Maghazi.
Á hinari síðuni sigur Hamas seg hava rakt ein ísrelskan stríðsvogn í Khan Younis har suðuri í Gaza.
Sambært heilsumyndugleikunum í Gaza eru 125 fólk deyð í Gazageiranum seinasta samdøgrið, og 265 eru løstað, veit tíðindastovan NTB at siga í dag.
