Norska dansiorkestrið ?Lasse Johansens Orkester? verður høvuðsnavnið Argja Bóltfelag skipar ryri rimmardansi leygarkvøldið. Høvuðsnavnið verður norska dansibandsorkestrið, sum nevnist ?Lasse Johansens Orkester?. Vælkenda lokala orkestrið, ?Twilight? fara eisini á pallin leygarkvøldið. Orkestrið hjá Lasse Johansen eru væl kendir menn í norska dansiumhvørvinum, og spæla teir sangir á bæði norskum, enskum og svenskum. Teir hava gjørt serliga vart við seg seinastu tíðina, við sínum tulkingum av sangunum hjá Sven Ingvars, sum mong í Føroyum dáma væl. Norska orkestrið gleðir seg til at vitja Føroyar á fyrsta sinni, og teir síggja fram til at skula framføra frammanfyri einari dansiglaðari fjøld í ítróttarhøllini á Hálsi. Dyrnar lata upp kl. 22. Atgongumerki fáast fyri 250 kr. á Shellstøðunum við Streymin og í Trongisvági, og somuleiðis á Statoilstøðunum á Argjum, í Gundadali, Klaksvík og í Sørvági.
