AB tók ikki av

AB hevði seinnapartin møguleika at taka seg uppaftur nærri uppflytingini, tá ið argjamenn vóru við Margáir, har teir næstbestu hjá EB/Streymi eiga heimavøll.

Meðan dagsskráin hjá AB er at endurvinna plássið í bestu deildini, sum AB misti fyri einum ári síðani, so er dagsskráin hjá næstbesta EB/Streyma liðnum at halda tørn um plássið í næstbestu deildini.

Úrslitið við Margáir í dag var 1-1 eftir málleysan javnleik.

Sverri Mariusarson legði heimaliðið framum 1-0, tá ið eitt lítið korter var farið av seinna hálvleiki. Uppleggið átti Jóhann Hansson Joensen, sum í summar flutti úr B36 og til EB/Streym. 17 ára gamli Sverri Mariusarson hevur verið drúgvur á næstbesta liðnum hjá EB/Streymi í ár. Málið í dag var tað fyrsta, sum hann hevur skorað í næstbestu deildini.

Fimm minuttir eftir, at EB/Streymur legði seg á odda, svaraði AB aftur. Málskjútti var Símin Hansen. Hetta var 13. málið hjá 38 ára gamla Símini Hansen í ár.

AB hevur 39 stig og er sjey stig aftanfyri oddaliðið Skála.

EB/Streymur hevur 25 stig, ið er eitt stig færri, enn B36 hevur. EB/Streymur er næstniðast, og B36 er á áttanda plássi. Týsdagin bresta B36 og EB/Streymur saman í Gundadali.

Víkingur – Skála 1-0 (1-0)

1-0: Páll Eirikur Djurhuus 7.

EB/Streymur – AB 1-1 (0-0)

1-0: Sverri Mariusarson 58.

1-1: Símin Hansen 63.

HB – NSÍ 6-2 (4-0)

1-0: Gilli Róason 11.

2-0: sjálvmál 19.

3-0: Lukas G. Giessing 22.

4-0: Lukas G. Giessing 28.

5-0: Áki D. Samuelsen 53.

6-0: Rani W. Sørensen 69.

6-1: Jørgen Nielsen 73.

6-2: Hans Marius Davidsen 88.

B71 – KÍ 1-1 (1-0)

1-0: Jonas Werner 32.

1-1: Óli Eyðsteinsson Poulsen 65.

FC Suðuroy – B36 1-1 (0-1)

0-1: Hugin Samuelsen 39.

1-1: Reidar Dahl Joensen 77.

Týsdagin 28. september

B36 – EB/Streymur

Sunnudagin 10. oktober

FC Suðuroy – B71

Leygardagin 16. oktober

Skála – KÍ

B36 - AB

B71 - NSÍ

FC Suðuroy – Víkingur

Mánadagin 17. oktober

HB – EB/Streymur