Mánadagin boðaði Lars Olsen á tíðindafundi frá, at hann gevst á landsliðnum eftir hetta árið. Á tíðindafundinum fingu bæði Adrian Justinussen úr HB og Jóannes Kalsø Danielsen úr KÍ landsliðsboð á fyrsta sinni. - Hetta eri eg sjálvandi glaður fyri. Hetta er tað, sum tú sær upp til, tá ið tú byrjar at spæla fótbólt sum ungur, og at eg fái kjansin nú, eri eg sera stoltur av, sigur Adrian Justinussen.  

Myndin er ikki tøk

Gøtumaðurin í HB hevur spælt á U21-landsliðnum, men hevur verið upp á tal fleiri ferðir til A-landsliðið. Og tað gleðir hann seg til. - Landsliðið sigur mær nógv. Eg haldi at tú fær eina kenslu, tá spælir við landsliðnum, sum eg ikki ordiliga klári at forklára. Tað er ein fantastisk kensla, sigur Adrian Justinussen, sum gleðir seg at spæla á Tórsvølli. - Nú havi eg ikki verið vid A-landsliðnum enn, men eg kann fyristilla mær at tað er avbera skeg at spæla á Tórsvølli, tá tú hevur so goðar áskoðarar, sum rópa allan dystin. Adrian heldur nógv um føroyska landsliðið og heldur at nógvir góðir spælarar hava umboðað Føroyar, men tá tað kemur til fyrimyndir, so er bara ein. - Tað hava verið nógvir klassa spælarar, sum hava verið á landsliðnum, men eg havi bara eina fyrimynd. Tað er Ronaldo, sigur Adrian Justinussen, sum eisini plagar at enftirlíkna portugisisku heimsstjørnuna, tá hann skorar. Nú er so spurningurin, um hann fær møguleikan at gera tað saman á landsliðnum.  

Myndin er ikki tøk

- Eg síggi ein góðan møguleika at fáa minuttir. Nú er hetta fyrstu ferð at eg eri við, men eg haldi ikki man bara skal vera nøgdur við tað. Eg haldi altíð, at tú skal vilja meir. Tað er tað eg geri, sigur Adrian Justinussen. Føroyar spæla móti Rumenia og Matla 12. og 15. oktober á Tórsvølli.