Agnas Olsen úr VÍF og Rasmus Søby úr Neistanum eru í kvøld vald til ársins leikarar í Hvonn- og FTZ-deildini.
Agnas Olsen, sum er spælskipari hjá VÍF, ið vann greipuna í ár, varð vald til ársins leikara við 25 atkvøðum. Liljan Djurhuus, sum eisini spælir við VÍF, fekk 20 atkvøður. Marianna Geirsdóttir Eystberg úr Kyndli fekk 18 atkvøður.
Rasmus Søby, sum hevur verið sera avgerandi á liðnum hjá Neistamonnunum í vetur, varð valdur til ársins leikara við 50 atkvøðum. Málverjin hjá Neistanum, Nicholas Satchwell, fekk 15 atkvøður, og Filip Jojic, sum á gallaveitsluni fyrr í kvøld varð heiðraður sum besti málskjútti og besti áleypari, fekk 13 atkvøður.
