Áki Egilsnes legði upp til tvey mál og gjørdi sítt í verjupartinum tá lið hansara, EHV Aue vann ein sera týdningarmiklan heimasigur í næstbestu týsku hondbóltsdeildini.
Aue vann 26-23 á Lübeck-Scwhartau. Í steðginum var Aue á odda 15-11.
Aue er aftast í 2. bundesligu við 19 stigum. Tó eru bert tvey stig upp til Grosswaldstadt, ið hevur 21 stig á fjórðaftasta plássinum.
Trý tey niðastu liðini flyta niður aftaná lokið kappingarár.
Komandi leygarkvøld spælir Aue á útivølli móti Eisenach.