Nú allar atkvøður eru taldar í Noreg stendur Arbeiðaraflokkurin, Ap, Miðflokkurin, Sp, og Sosialistki Vinstriflokkurin, SV, tilsamans at fáa 89 sessir í Stórtinginum og harvið meiriluta.
Tað vísa tølini frá valuppgerðini hjá VG.
Tað eru tilsamans 169 sessir í Stórtinginum. Soleiðis skulu 85 sessir til at hava meiriluta.
Tað merkir, at formaðurin í Arbeiðaraflokkinum, Jonas Gahr Støre stendur til at gerast nýggjur forsætisráðharri í Noreg saman við teimum báðum flokkunum, hann ynskti sær í samgongu við, Sp og SV.
Tað merkri harafturat, at Støre sleppur undan at verða bundin av stuðli frá Rødt (R) ella Umhvørvisflokinum Teimum Grønu, (MDG).
R fær átta tingsessir, meðan MDG fær tríggjar.
/ritzau/