Arbeiðsloysisskipanin søkir í Sosialinum í dag eftir nýggjum stjóra, sum skal taka við eftir Ernst Jacobsen, sum eftir mikið rumbul var koyrdur frá sum stjóri fyrr í mánaðinum við 1,2 milliónum krónum í fráfaringarløn.
Men nýggi stjórin skal ikki vænta sær eins góða løn, og tann undanfarni. Í lýsingini verður sagt, at lønin er 49.191 krónur um mánaðin pluss 15 prosent í eftirløn. Eisini stendur tilskilað, at nýggi stjórin í ALS eisini verður stjóri fyri Trygdargrunni fiskivinnunar sum frákoyrdi stjórin fekk 15.000 krónur eyka fyri um mánaðin.
ALS-stýrið vil tryggja sær, at nýggi stjórin er savnandi, myndandi og gongur á odda fyri stovninum.
Tú hevur hóskandi útbúgving frá hægri læru- stovni ella útbúgving sum saman við royndum kunnu sammetast við hægri útbúgving.
Tú hevur viðkomandi førleikar og leiðslu- royndir. Tú hevur vitan um og innlit í føroyska arbeiðsmarknaðin og samfelagsviðurskifti. Tú megnar at leiða og skapa eldhuga hjá starvsfólkunum og samstundis fylgja settum málum og taka við nýggjum avbjóðingum.
Tú ert álitisvekjandi og hevur góð evni at samstarva og samskifta. Tú ert rúmlig/ur og góðtekur menniskju við teirra fjølbroyttu før- leikum og ymiskleikum.
Nýggi stjórin skal taka við 1. apríl ella skjótast tilber.
