Andrias Edmundsson hevur skrivað søgu í dag. Hann er fyrsti føroyski fótbóltsleikarin, ið hevur spælt ein kappingardyst í bestu pólsku fótbóltsdeildini.
Andrias og liðfelagarnir í Wisla Plock fingu eina rimmar byrjan upp á nýggja kappingarárið. Á Orlen leikvøllinum í Plock eydnaðist tað Wisla at vinna 2-0 á Korona Kielce, ið er liðið sum hevur víst Áka D. Samuelsen stóran áhuga.
Lukasz Sekulski gjørdist stóra hetjan hjá Wisla Plock. Hann legði heimaliðið á odda við einum brotssparki beint undan steðginum, og í 77. minutti staðfesti hann sigurin.
Andrias fekk fulla spælitíð í dag.
Sunnudagin 27. juli spælir Wisla Plock dyst á útivølli móti Rakow.
