15 ára gamla Annika Malunardóttir úr Havn er eitt nýtt navn á føroyska tónleikapallinum. Hon hevur útgivið sítt fyrsta staklag "Life", sum hon sjálv eigur orð og lag til, og tað er Henning Hjalt Nicodemussen, sum hevur staðið fyri framreiðsluni av lagnum.
Hon syngur og spælir gittar og hevur skrivað egin løg, síðani hon var 8-9 ár. Hon hevur eisini framført fleiri ferðir alment við sínum sangum m.a. í morgunsendingini hjá Kringvarpinum og í Hvonn Live, sum Rás2 skipar fyri.
Annika hevur eina reina og inniliga rødd. Tekstuniversið snýr seg um lívsins viðurskifti, og hóast sín unga aldur megnar hon at skriva hugtakandi løg og sigandi tekstir.
Lagið "Life" skrivaði hon saman við pápa sínum í 2012, og upptøkurnar vórðu gjørdar í Ning í Havn og í StudioMike í Klaksvík í 2014/15.
Lagið hevur verið at nógv at hoyrt á ymsu útvarpsrásunum seinastu vikurnar.
Annika malunardóttir - Life
https://www.youtube.com/watch?v=Q7nK0V9VRp8
Orð og lag: Annika Malunardóttir
Framleitt: Henning Hjalt Nicodemussen
Miksað og mastrað: Mikkjal Hvannastein
Tikið upp hjá: Ning í Havn og StudioMike í Klaksvík
Sang: Annika Malunardóttir
Kór: Laila Carlsen og Malan Eyðunsdóttir
Kassagittar og El-gittar: Mikkjal Hvannastein
Bass: Eyðun Johannesen
Trummur og forritan: Henning Hjalt Nicodemussen
