Tveir teir seinastu dystirnir í 6. umfari í Premier League hava verið í dag. Brighton vann 5-2 á botnliðnum Leicester, og Manchester United vann 3-1 á Arsenal, sum harvið setti síni fyrstu stig til.
Dagurin byrjaði við einum 5-2 sigri til Brighton móti Leicester. Heimaliðið hevur fingið eina góða byrjan upp á kappingarárið og liggur á fjórða plássi. Tað var annars 1-0 til gestirnar úr Leicester longu eftir ein minutt, men vendi skjótt.
Seint seinnapartin tók Manchester United móti Arsenal á Old Trafford. Erik ten Hag, venjari hjá Manchester United, valdi at geva nýkeypta Antony ein kjans frá byrjan. Hann skoraði eisini fyrsta málið í dystinum.
Arsenal mundi hava yvirvágina leikliga og tað var ikki óuppiborið, at Bukayo Saka javnaði fyri Arsenal, tá ein tími var spældur. Manchester United svaraði tó skjótt aftur. Í báðum førum var tað Marcus Rashford, sum umsetti skjótálop til mál.
Við sigrinum hevur Manchester United vunnið seg upp á fimta plássið.
| 1 | Arsenal | 6 | 5 | 0 | 1 | 14:7 | 15 |
| 2 | Manchester City | 6 | 4 | 2 | 0 | 20:6 | 14 |
| 3 | Tottenham | 6 | 4 | 2 | 0 | 12:5 | 14 |
| 4 | Brighton | 6 | 4 | 1 | 1 | 11:5 | 13 |
| 5 | Manchester United | 6 | 4 | 0 | 2 | 8:8 | 12 |
| 6 | Chelsea | 6 | 3 | 1 | 2 | 8:9 | 10 |
| 7 | Liverpool | 6 | 2 | 3 | 1 | 15:6 | 9 |
| 8 | Brentford | 6 | 2 | 3 | 1 | 15:9 | 9 |
| 9 | Leeds | 6 | 2 | 2 | 2 | 10:10 | 8 |
| 10 | Fulham | 6 | 2 | 2 | 2 | 9:9 | 8 |
| 11 | Newcastle | 6 | 1 | 4 | 1 | 7:6 | 7 |
| 12 | Southampton | 6 | 2 | 1 | 3 | 7:10 | 7 |
| 13 | Bournemouth | 6 | 2 | 1 | 3 | 5:18 | 7 |
| 14 | Wolves | 6 | 1 | 3 | 2 | 3:4 | 6 |
| 15 | Crystal Palace | 6 | 1 | 3 | 2 | 7:9 | 6 |
| 16 | Everton | 6 | 0 | 4 | 2 | 4:6 | 4 |
| 17 | Aston Villa | 6 | 1 | 1 | 4 | 5:10 | 4 |
| 18 | West Ham | 6 | 1 | 1 | 4 | 3:8 | 4 |
| 19 | Nottingham Forest | 6 | 1 | 1 | 4 | 4:14 | 4 |
| 20 | Leicester | 6 | 0 | 1 | 5 | 8:16 | 1 |
