##med2##
Ein sum eisini var hugtungur aftaná tepra og súra tapið móti Skotlandi á Tórsvølli í kvøld var Ári Mohr Jónsson tá reportarin hjá FM1, Petur Asbjørn Lervig fekk orðið á hann.
Ári Mohr Jónsson sigur seg harmast almikið, at hann og liðfelagarnir ikki kunnu geva trúgvu og drúgvu áskoðarafjøldini á Tórsvølli eitt úrslit, men Ári vónar samstundis eisini, at føroysku áskoðararnir kunnu virðismeta góða leikliga avrikið føroyska liðið vísti á Tórsvølli í kvøld.
Á ljóðfíluni omanfyri ber til at hoyra samrøðuna Petur Asbjørn Lervig gjørdi við Ára Mohr Jónsson.
Føroyar – Skotland 0-1 (0-0)
0-1: Lyndon Dykes 86.
Føroyar: Teitur Matras Gestsson – Gilli Rólantsson Sørensen, Odmar Færø, Heini Vatnsdal (Hørður Askham, 58.), Sonni Ragnar Nattestad, Viljormur Davidsen (Petur Knudsen, 59.) – Hallur Hansson (John Frederiksen, 91.), Brandur H. Olsen, Gunnar Vatnhamar, Ári Mohr Jónsson – Jóan Símun Edmundsson (Klæmint A. Olsen, 93.)
Á beinkinum uttan at verða skiftir inn: Gunnar Nielsen, Mattias H. Lamhauge, Jóannes K. Danielsen, Jóannes Bjartalíð, Sølvi Vatnhamar, Tróndur Jensen, Hannes Agnarsson
Gult kort: Brandur Hendriksson Olsen
Venjari: Håkan Ericson
Hjálparvenjari: Eli Hentze
