Avgerðin hjá hægstarætti í Arisona um fosturtøku kom í dag.
Lógin frá 1864 nærmast bannar fosturtøku - við undantaki av, at lívið hjá mammuni er í vanda.
Tíðindastovan NTB veit at siga, at lógin merkir, at tann, sum fremur fosturtøku, kann dømast upp í fimm ára fongsul.
Amerikanski forsetin, Joe Biden, talar at og sigur, at avgerðini í hægstarætti tekur frælsið frá kvinnuni.
- Avgerðin er eitt úrslit av víðgongdu dagsskránni hjá fólkavaldu republikanarunum, sigur amerikanski forsetin.
Joe Biden leggur aftrat, at milliónir av íbúgvum í Arisona nú fara at liva undir einum enn meira víðgongdum og vandamiklum forboði móti fosturtøku.
Reuters veit at siga, at lógin tekur ikki atlit til neyðtøku - ei heldur til blóðskemd.
- Síðan 2022 hava læknar í statinum havt loyvi at fremja fosturtøku upp til viku 15.
Tíðindastovan leggur aftrat, at lógin um fosturtøku í Arisona kemur í gildi av nýggjum um 45 dagar.
##med2##