Arsenal skal takast í álvara

Í gjár var fyrsti dysturin í fyrsta umfari í Premier League. Arsenal vann 2-0 á Crystal Palace. Dysturin gav boð um, at Arsenal aftur skal takast í álvara, eftir nøkur misjøvn kappingarár. Felagið hevur annað summarið á rað brúkt flest pengar av feløgunum í Premier League.

Millum nýggju spælararnar eru Gabriel Jesus og Oleksandr Zinchenko, sum báðir eru komnir til frá Manchester City. Teir byrjaðu eisini báðir inni. Eftirmælið av dystinum er, at Arsenal í størri mun megnar at skapa og stýra einum dysti, enn undanfarnu árini.

Gabriel Martinelli legði Arsenal á odda miðskeiðis í fyrra hálvleiki við stútara. Hann skuldi nokk havt skorað eitt mál frammanundan. Fimm minuttir fyri tíð gjørdi Crystal Palace sjálvmál og dysturin var avgjørdur.

Fleiri dystir verða í dag og í morgin. Í dag leggur Liverpool fyri við dysti móti Fulham. Seinasti dysturin í fyrsta umfari verður sunnudagin klokkan 16.30, tá West Ham tekur móti Manchester City.

Premier League 1. umfar:

Í gjár:

Crystal Palace – Arsenal 0-2

Leygardagin:

Fulham – Liverpool (12.30)

AFC Bournemouth – Aston Villa (15.00)

Leeds – Wolverhampton (15.00)

Newcastle – Nottingham Forest (15.00)

Tottenham – Southampton (15.00)

Everton – Chelsea (17.30)

Sunnudagin:

Leicester – Brentford (14.00)

Manchester United – Brighton (14.00)

West Ham – Manchester City (16.30)