AB hevur fingið tilgongd av Asbjørni Heðinson úr 07 Vestur, og Jón Krosslá Poulsen. Asbjørn Heðinson hevur vant við AB seinastu tíðina, meðan Jón Krosslá Poulsen ikki hevur verið partur av uppstartinum. Tað hava eisini verið avbjóðingar við spæliloyvinum hjá Silasi Eyðsteinssyni og Bjarta V. Mørk, sum báðir eru komir til felagið í vetur. Í upptaktini í Sosialinum í gjár vóru teir mettir sum ivasamir, men her eru loyvini komin upp á pláss. Tað er enn ivasamt um spaniólin, sum er komi til frá B68, Pedro Taracon Anton, hevur øll loyvi til at spæla í sunnudagin. Fyribils meldingin av Argjum er, at hann kann spæla í 1.deild, men ikki í Betri deildini. Sorin Anghel, venjari hjá AB, hevði Heðin Stenberg sum varamann í málinum. Hann bleiv illa skaddur í fjør og verður málmansvenjari hjá felagnum í ár. Argjamenn fáa vitjan av TB sunnudagin klokkan 15.