Seinnapartin klokkan 14 í morgin spælir føroyska kvinnulandsliðið triðja dystin í Nations League á vøllinum við Djúpumýru í Klaksvík.
Dysturin verður ímóti Aserbadjan. Spennandi verður at síggja hvussu vøllurin fer at roynast kvinnulandsliðnum. U21-landsliðið hevur staðið seg væl í dystunum við Djúpumýru.
Tveir teir fyrstu dystirnir í hjá føroysku kvinnunum í bólki 3 í Deild C í Nations League eru endaðir við teprum 0-1 tapum.
22. september taptu Føroyar 0-1 fyri Montenegro á Tórsvølli, og fýra dagar seinni taptu Føroyar 0-1 fyri Kýpros á útivølli.
Undan dystinum í morgin hava Aserbadjan og Kýpros fýra stig hvør, Montenegro hevur trý stig og Føroyar eru aftast við ongum stigi.
11 altjóða veddingarfyritøkurnar, ið lata odds upp á dystin við Djúpumýru í morgin hava Aserbadjan sum favoritt.
Miðaloddsini upp á føroyskan heimasigur eru 4,00.
Miðaloddsini upp á aserbadjanskan útisigur eru 1,87.
Miðaloddsini upp á javnleik, ið hevði verið eitt gott føroyskt úrslit eru 3,34.
HER eru oddsini:
##med2##
