Men tað var av ongum, tí at verkfalsvaktir hjá arbeiðarafeløgunum forðaðu fyri, at arbeiðið kundi gerast. Tí var arbeiðið útsett. 
Tað var kongsvitjanin so eisini, tí at óvissan við verkfallinum órógvaði fyrireikararnar.

Ætlanin var annars, at kongur og fylgi hansara skuldi ganga gjøgnum Gongina, gomlu høvuðsgøtuna í gomlu Havnini.
Kongsvitjanin verður einaferð seinni. Kanska seinni í summar, kanska næsta ár.
Men í góðveðrinum í morgun var asfaltsarbeiðið so tikið uppaftur, og Gongin verður asfalterað.
Í sambandi við umvælingararbeiðið av Nólsoyarstovu er lendið frammanfyri lækkað nakað, Gongin er steinsett oman á brúnna og oman til Sjóvinnubankan.
Men ígjøgnum steinsetta økið verður ein geiri asfalteraður til bilar at koyra eftir, sum skulu oman í Gongina aftan fyri gamla Sjóvinnubankan.