Størsti parturin av landinum er í streymloysi. Vánaliga veðrið ger tað trupult hjá SEV at umvæla brekini, og tí mugu fólk brynja seg við toli. Vánaliga veðrið rakar streymveitingina kring alt landið.
Streymur er í hesum økjum:
Partur av Klaksvík
Eiði og bygdirnar suður til Norðskála
Frá Skálafirði út móti Runavík
Frá Skálafirði út á Strendur
Toftir og Æðuvík
Vestmanna
Partur av Havnini
Nólsoy
Koltur og Hestur
Skopun og Sandur
Suðuroyggin
Alla aðrastaðni í landinum er eingin streymur í løtuni.
Í flestu økjum kann ikki roknast við, at streymurin kemur aftur fyrr enn í morgin. Vánaliga veðrið ger tað ikki ráðiligt hjá fólki frá SEV at umvæla brekini.
Kunning um streymveitingina fæst frá SEV, á telefon 346800 ella á heimasíðuni www.sev.fo
